05‏/12‏/2009

حفلة البربارة لعام 2009

تم نشر هذا المقال من قبل إدارة الموقع في 4:48 م 9 تعليقات

حفلة البربارة 2009

بربارة قديسة ......... من الرب مختارة

يوم الجمعة الماضي كانت حفلة عيلتنا بمناسبة عيد البربارة

الحفلة كانت كتير حلوة و ظريفة و خفيفة تشاركت فيها عيلتنا من مع الجماعيين عنا بالكنيسة


بداية اللقاء كان عبارة عن قداس احتفالي بمناسبة عيد قديسين هم القديسة بربارة و القديس يوحنا الدمشقي

بعد القداس بلشنا الحفلة مع ستكش لطيف جدا لفرقة المهرجين و يلي شارك فيها أشخاص أدوها بخفة دم كتير حلوة و طرافة لطيفة

يعد السكتش دخلنا بجو الفرح و بعدها مثلنا مسرحية صغيرة عن حياة بربارة

عدنا للرقص و الدبك بجو الفرح الكتير حلو يلي تشاركنا فيها نحن و الجامعيين

أحتفلنا بعدين بأعياد الميلاد و زين القمح يلي قدمناه للأعضاء و تشاركنا هالفرحة كلنا سوا

الحكي ما بيكفي خلي الصور تعبر عن جو لقاءنا

























9 التعليقات:

يعني فعلا هالحفلة كانت كتيير كتييير حلوة
الشي يلي كتير كان حلو هلو البسمة يلي كانت موجودة على كل الأشخاص بدون أي أسثناء
الفرح الناتج عن المحبة بيناتنا كان إلو دور كبيير بجعل جو الفرح كتييير كتييير حلو
بالنسبة إلي الحفلة كانت من أروع الحفلات إلي للشي يلي شعرتو مع كل الأشخاص

برجع و بقول كل عام و أنتو بخير للجميع
و بخصوص للأشخاص يلي كانوا مبارح بالحفلة
و خصوصي أكتر لعيلة سيدة الوحدة و كل شخص فيها
و كمان خصوصي لكل شخص عم يقرا هالمقال
----------
و ينعاد على الكل

انا كنت بالدورة التكوينية و كتير كنت مبسوطة لان تعرفت على الاخ بيار و عائلة و نيرمين كانوا كتير حلويين من كل قلبي بقول لسيدة الوحدة كل عام و انتم بخير عيلة عمانوئيل

تنعاد عليكم يارب بكل الخير, كتير مميز بلشتو بالفرح الابدي واتحدتوا معا" بالخبز السماوي , وبعدين جسدتو الفرح وعشتوه بقلب واحد معا". موفقين دايما: والله معكم .

ما في أجمل من هالصورة،صورتنا و نحنا مجتمعين ، و فرح الرب كتير كبير بكل مرّة بيشوفنا مجتمعين، هيدي هيّي رغبتوا و إيمان ونور بكل بساطة و بكل عفويي عم بتحقق رغبة يسوع. إلى الأمام معاً على خطى الإيمان و بهديي النور، يا إيمان ونور

بشكر ربنا على وجودو معنا، وبشكروا على الفرح يلي زرعوا بيناتنا ، ومنشكروا كمان لأنو عم يعطي لكل لقاء طعم وروح مختلفين وانشالله نكون قدرنا نوصل ولو جزء بسيط من رسالتنا بإيمان ونور ، يلي عبر عنها الجامعين بتفاجئهم بالحياة يلي منعيشها بعيلنا إيمان ونور وكل عام وانتوا بالف خير.

كل عام وعيل ايمان ونور كلها بخير .....وجودكم بخلي الدنيي بألف خير
ألوانكون الرائعة زينت هالعيد بالفرح ...ووجودكون مجتمعين هوي احلى عيد ....

مية هلا نسرين
و أنشالله سنة الجاية بتعيدي معنا
هههههه

باريت والله حدا بشوف هيك جو وما بيتمنى يكون معكون
يشارككون كل هالفرح ....وصورة قوالب القمح لحالا بتكفي
وشكرا كتير لدعاءك

الله عالفرح والابتكار اللى شايفاه فى الصوره ومشاركه الخورى يارب يحميك يابونا نيقولا ويكتر من امثالك كهنه يحبول ايمان ونور كدك

إرسال تعليق

أذا لديك اي أستفسار أو تعليق أو أقتراح
يمكنك كتابته هنا
--------------------------------------
عائلة سيدة الوحدة