11‏/01‏/2010

أفكار و مشاكل و اقتراحات حول الموقع

تم نشر هذا المقال من قبل إدارة الموقع في 1:29 م 8 تعليقات

مرحبا يا شباب

كونوا نحن ( شباب تطوير موقع عيلتنا ) منرغب دايما بأن نسوي شي جديد و أن نعمل أفكار جديدة و حلوة بالموقع فأنو نحن هلق بهي الفترة بصدد وضع أساسيات لشكل جديد للموقع

يعني هلق عم نبني هالشكل الجديد و عم نحاول أنشالله بلكي بعد شي أسبوع أسبوعين بيكون جاهز



و بما أنو بعدنا شي أنو بلشنا بالتصميم فأنا برغب من كل شخص عم يفوت على موقعنا أنو يا ريت لو بيعطنيا شغلتين

الأولى هي المشاكل يلي عم تصير معو ( و هي الشغلة يلي كتييييير مهمة لنقدر أنصلحها )

التانية هي أقتراحات ممكن تعطينا ياها لتدعم هالموقع و يعني أي أفكار ممكن نلاقيها ليكون موقعنا كامل بإيمان و نور

يا ريت لو الكل يساعدنا لان الموقع بالنهاية هو لإيمان و نور كلها و ليس لشخص أو عائلة

و شكرا

8 التعليقات:

هلق أنا أول واحد رح بلش
الشي السلبي يلي ملاحظوا هو وقت فتح الموقع الطويل هاد الشي يلي عم ينعكس سلباً على الزوار
تانيا عم لاحظ عند بعض العالم أنو الموقع فيو شوية أخطاء بالأبعاد و هاد الشي يلي رح نشتغل عليه اكتر

يعتقد أنو هي الشغلات السلبية
أما الأقتراحات فأنوا ببالي في كتيير أفكار كتخصيص مشغل فيديو خاص على الموقع و إدراج زاوية بتحوي ملخصات عن كتب جان فانييه كلها
و إدراج زاوية نسميها صورة و تعليق
و يعني أنو نشتغل أكتر على زاوية إيمان و نور في سوريا
و لون الموقع عم فكر أنو يكون أزرق سماوي يعني شي بيدل على التفاؤل و الحياة
و يعني فيكم تقولي أنو في كتييييير أفكار مبعثرة قيد الأنشاء

هاتي لنشوف أنتو شو عندم
بس أهم شي السيئات منشان نقدر نصلحها أثناء التصميم و ما نفوت بعلقة كبيييير بعد ما نسوي التصميم و نخلص
و شكرا جدا جزيلا

الله معكون ويعطيكون العافية
حلو كتير انكون حابين تجددوا الموقع مع السنة الجديدة
اما عن اللون الازرق فكتير حلو واكيد رح يكون احلى وكمان ممكن العمودين اللي عاليمين بقصد الاول يللي بيشمل الرسايل والتاني اللي بيشمل اقسام الموقع...ينحط واحد عاليمين وواحد عاليسار وبالوسط الصفحة الرئيسية
اما عن الشي السلبي العمبعذبني فهوي كتابة التعليق احيانا بتاخد ووقت كبير لتفتح صفحة التعليق وكمان لو بكون طريقة ابسط يعني بدون ما نختار ملف او حتى المعاينةانو بس منكتب التعليق والاسم او الايميل وارسال
وشكرا كتير لانكون سمحتولنا نشارككون باراءنا عنجد عمتعيشونا بجو عيلة وحدة
موفقين

مشكور يا قصي دائماً على جهودك و مباركة حياتك يللي عم بتخصّص وقت مهم منها للعمل بحقل الرب.كنت ذكرت أهمية فتح الموقع بسرعة أمام الزوّار الأحبّاء، و هيدا يقتضي تحرير الصفحة الرئيسيّة من الملفات الكبرى، و أقدّم اقتراح أن يكون في أعلى الصفحة الرئيسية مربّع يضم آخر المواضيع، و أن تتجدّد الصور المأخوذة من الجماعة. و لك جزيل الشكر

شكرا لجهودكم
وبخصوص هالموضوع باقترح عليكم اذا في امكان اضافة صفحة
ضمن ـ أقسام الموقع ـ مثلا
ب اسم سجل الزوار متل كتير مواقع بيقدر الزائر للموقع يترك اي فكرة أو رأي
شكرا
ودمتم

أولا : بالنسبة لأقتراحات نسرين يعني بالنسبة للعمودين هلق بالوقت الحالي لصالحنا أكتر أنو نسوي عمودين جنب بعض من شان سرعة التحميل و تنظيم الشغل
و بالنسبة للتقليقات أكيد كمان رح نشيل فكرة المعاينة بس أنو التعليق بينكتب بنفس الطريقة يعني ---> كتابة التعليق ---> أختيار ملف التعريف و منو بتختار ---> الأسم / URL و يلي هو الأيميل و هي هي كل القصة بس أنو بالقالب الجديد إذا بيكون في شي مشاكل منبقى منشوف
و أكيد كمان الموقع هو للكل و لازم أنو تشاركونا بكل صغيرة و كبيرة

و بالنسبة لأبونا نقولا
اي أبونا أكيد أنا عم نشتغل على الصفحة الرئيسية فيها ملخصات عن المواضيع و شوية أدوات ما بتعيق التحميل على الجانب
و أنشالله لما نسوي التصميم الجديد منشوف إذا بتضل فيه مشاكل

و نالنسبة لزينا
نحن عاملين دفتر زوار مختصر على السايد بار الجانبي يلي باللون الأخضر
يعني فينا نقول أنو متل دفتر الزوار .......
و أكيد إذا قدرنا نلاقي شي أظبط بالتصميم الجديد رح نحاول نحطوا

إرسال تعليق

أذا لديك اي أستفسار أو تعليق أو أقتراح
يمكنك كتابته هنا
--------------------------------------
عائلة سيدة الوحدة