13‏/01‏/2011

ترنيمة هذا الأسبوع: صعب علي إني سامح

تم نشر هذا المقال من قبل سيلفا في 2:16 ص 4 تعليقات

* صعب عليَّ إني أسامح *


صعب عليّ إني سامح صعبة عليّ انسى امبارح
لما الناس بتجرح قلبي و قلبي تيغفر منّو سامح

لكن حبّك غيّر فيّ علّمني انسى الأذية
و قبل ما شوف العيب بغيري شيل الخشبة من عينيّ

لصليبك خدني يا حبيبي و اصلبلي قديمي حدّك
يومية أحمل صليبي و امشي وراك و اشهد عنّك

لما الناس بتغلط فيّ بتحكم ظلم بتقسى عليّ
و الملامة عليّ بتكبر و تسودّ الدنيي بعينيّ
بتذكّر حبّك الكبير و قديش اتعذبت كتير
كرمال العار اللي حملته بشوف الوجع اللي فيّ صغير

علّمني أنظر لجلالك و اتفرس دايما بجمالك
و لما تنكشفلي عيوبي توب و اتغيّر كرمالك
ما في شي غيرك يستاهل و من بعدك هالعالم زايل
حتى العالم لو خذلوني ما في متلك إنت الكامل


----------------------------------------------------------------------------

لسماع الترنيمة يجب الضغط على الرابط التالي:


صعب علي إني سامح

4 التعليقات:

جاري التحميل ..............

هي تاني مرة بتظبط معك و بترفعي ترتيلة ما عندي ياها
:)

شكرا ياقصي
هي الترتيلة بحبا كتير

ارتبط بي ياابني ؛فتشتهي أن تموت ويحيا أخوك.....ابذل حياتك واغفر لأخيك.....فتصير أيقونتي.
وعجبتني الصورة ياسيلفا الغمرة انشالله كل لحظة مندايق فيانقدر نسامح ونغمر.
لامثل لك ياالهي.....لم يغمرني أحد مثلما غمرتني
لم يغفر لي أحد مثلما غفرت لي.

هاي عجبتني كتير الترتيلة كتير حلوة
يسلمو هل الايدين
و شكرا

إرسال تعليق

أذا لديك اي أستفسار أو تعليق أو أقتراح
يمكنك كتابته هنا
--------------------------------------
عائلة سيدة الوحدة