17‏/03‏/2011

ترنيمة هذا الأسبوع : عطفك ياعدرا

تم نشر هذا المقال من قبل سيلفا في 12:29 م 7 تعليقات



لولاكي الدني كلا محرومي حب وحنين
عنك مارح نتخلا أنت القلب الكلو لين
عطفك ياعدرا تجلى لكل الناس المنسيين
*******
عنك لما نكون بعاد بتخافي كتير علينا
مهما كبرنا منبقى ولاد إيدك دوم بإيدينا
حبك ملى الكون وزاد ضوى قلوب الموعودين
******
اخترتي بلادي منبع نور عطيتينا عزة وقدرة
عملتينا طيب وبخور وباركتي الأرض الحرة
لما الليل بعتمو نجوع تبقي عون المنسيين



لسماع الترنيمة يجب الضغط على الرابط التالي:

7 التعليقات:

بتشكرك كتير كتير يا ابونا على المواضيع اللي عمتكتبلنا اياهاواضيع التكوينية او الروحية الاجتم هي بتعطينا غنى كبير لنا وفي حياتنا الشخصية و انا شخصيا عمبستفيد كتير من هالافكار من لماعية فانني احيانا استعين فيها لانقلها الى عيلتي لتكون لنا غذاءا روحيا لننمى سويا كجماعة في العطاء و الحب و الفرح و بطلب منك اذا بتريد تعطينا موضوع عن المرافقة في حياتنا بايمان و نور

أن ترافق هو أن تحب وتهتم وتلتزم وتدعم...
أن تكتشف مواهب الشخص المُرافق وتشجّع و تحترم
أن تتكيّف مع سرعة الشخص المُرافق
وتسيرا معا وتتقاسماالفرح والألم..
حاول أن تعيش هذه الخطوات فتكون رفيق مميّز
(خير الكلام ما قلّ ودلّ)
الأب نقولا الحدّاد

شكرا ابونا بس في شي عندك قصة بتتعلق بهاد الموضوع حتى نوضحها للكل و نعمل منها حوار او مناقشة عليها لنوصل لمرافقة ناجحة

العدرا بتغمرنا بحضنا الدّافي , محبّة بتعطينا من قلبا الصافي ... بتهدي الغلطان وبتصحّي الغافي, تينوّر دربن شمس المسكونا .

هالترنيمة كتييييييير حلوة و كتير مناسبة لعيد الأم

لأن العدرا هي أم الكل

----------------------------

شكرااااااا جدا" جزيلا" هي من كلماتي وبكل تواضع هههههههههههه وع لحن على دلعونا .ةاذا بدّك ببعتلك كل الابيات .

سيلفا بجد كتير حلوة شكرا كتير
ريم ياريت بكون كتير حلو اذا بعتيلنا ياه

إرسال تعليق

أذا لديك اي أستفسار أو تعليق أو أقتراح
يمكنك كتابته هنا
--------------------------------------
عائلة سيدة الوحدة